یلدای امشوعاشقل یلدای مردلیلدای مردل
هم شو درازه هم قلندر شای مردل یلدای مردل
سال مه دراز همیشه سی ما شو درازه کی چاره سازِ
سنگ بهسه و سگ گیر عوعوعای مردل یلدای مردل
هر شو درازی بو نمونَی کل سالِ سه چی حلالِ
ترس دزِ، تاریکیِ، سرمای مردل یلدای مردل
یلدا که شو درددلِ اشکَهل خوبه تا دم غروبِ
تا نصب شو کی رهتِ کی سرپای مردل؟ یلدای مردل
بارون زد هرکی که سی خوش خاصه کاشته ترسی نداشته
تا وخت جیلم حتمنی دارای مردل یلدای مردل
اَ یه بزی که بلکُمی سرپوز نخرده واوی دِمِرده
ناشتا و چاس چیپون خرد ورزای مردل یلدای مردل
گنگو که کارش واویده سرخونی کردن تا وقت مردن
گیر سرور و چوشی و لالای مردل یلدای مردل
مردک یه قَرنی خو نیرزه سر جناسش سیل لواسش
عالم و اونجن بی غمش بالای مردل یلدای مردل
نونم کمو بال اومه باد بافه شیون خرمن گو چن من؟
پیشکال هر کی کرده بو، اسّای مردل یلدای مردل
مانه و روز اولی اوسیم کردن دلمون بردن
تا پا برآوردیم بردن گای مردل یلدای مردل
هم روز اول تیربگِر کردن و مانل گردَی شکالل
تاک و پریکی بعدَ وُ سرجای مردل یلدای مردل
خواسن و ما، ما تمبک زر چل نهادیم تحویل دادیم
گفتن نرقصین موقیِ حاشای مردل یلدای مردل
بعضی هنی من جایلن گیر پلک و دلکِن خو راحت ایخن
تی ما خو پدگار نیزنن نه جای مردل! یلدای مردل
ره پاکی اَ کردی ایگن می دل گشادی چه سی مو دادی؟
پَر هاری من سرش سی خوش تینای مردل یلدای مردل
هل هله گرگ چمبری دَورْت ایدراره زور سر‌ْت ایاره
یا پات گیر هوگاله و دهوای مردل یلدای مردل
یا ایگه خوم دیدم یکی سیت برمک اینداخت حتما تونه ایشناخت
ایخه که تو جیگر بر آوی وای مردل یلدای مردل
لارْتَ ایکنه پی ضرب ترکه مقشه مقشه ریش یاوه نقشه
اَ تو نشون دادیش ایگه تِرگای مردل یلدای مردل
مَی "تِل خداوَرکو" در اوردن سر ما سیری بفرما
امبُردِیل پل خرده ری سر مای مردل یلدای مردل
ای جا مگیرک جِل خروسشه بُرده بیدن چه خرده بیدن؟
جِغ داشت کُمش پُر هَسّهِ خرمای مردل یلدای مردل
هر چی که کردیم سیش او پی چیت رختیم در جا گرختیم
تا گفت: حق پاکتون بعدای مردل یلدای مردل
سر دهس خیری راس واوی تازه زادِ خاگْشَ نهادِ
بی او چشِ سنگش همش قضای مردل یلدای مردل
مو پاچی پاچی تا نزیکش رهته بیدم سر رهته بیدم
تِرمَحک یاوه ای نغل رِسبای مردل یلدای مردل
یلدا هزار سعات که بو آخر سر ایره شیطون در ایره
پی خیری ایری تی بواش بلوای مردل یلدای مردل
شکی نکن خوش پاش ری پوسِ خیاره وختی نداره
یو رَوْشِ ایبینین که دوش دیندای مردل یلدای مردل
داعش یک راننده انگلیسی را سر برید + عکس(۱۸+)