شعر لری (4)

ایرج شمسی زاده

دیندی گَلَه گایَلتون روز آوُم و شو واوُم

سی کَهرَه شکاللتون دی واوُم و بو واوُم

زر گز عاقلی جامِ،گایَل عُواسی¹ پامه

گاپون خونه دیندامه تا سیش و دُو واوُم

مثل تیلت مَهسُم دَست بده من دهسُم

وَغُصّه نَه وَهرَه سُم پی غُصه یَل اُو واوُم

نه سیلِ نه بارونِ،نه موج نه طیفونِ

اَرس² چش گریونِ تا سیر شنُو واوُم

وَکانَه زَنَل سیرُم ،دَم تازه گُلی گیرُم

سی دُحتَرَل ایمیرُم تا کانَه وَ نو واوُم

می چه زرِ سر داری،می کی تو سَفر داری

مَهلی³ سَر خَر داری ،تا خُم سر گُو واوُم

کُربون⁴ سرت واوُم، هَم بفتُم و هم پاوُم

دورت خُم تیناوُم، دیندات وَلو واوُم

نشمین قد و بالات،سَر مینتِ⁵ تا نُک پات

باغ گُل همّی جات تا غَرق گُلُو واوُم

مو «ایرجو»ِ نومُم، دَ مُی⁶ نیگیره دومُم

سی چاسُم⁷ و سی شومُم،تا بعد چطو واوُم

_{1-عواسی:روستای عباسی از توابع شهرستان گناوه}

_{2- ارس:اشک}

_{3-مَهلی: زیاد ،خیلی}

_{4-کُربون: قربان}

_{5- مینت:موی تو- مین:مو}

6-مُی:ماهی

_{7- چاسُم:ناهارم}